Filminstitutets stöd

Buvttadandoarjja filbmaprošektii – Glöd / Hilla

Ulbmil doarjagiin lea ovdánahttit filmma mas oassi dahje olles sisdoallu lea soames dain našunála unnitlogugielain ja mii viiddida gova Ruoŧas ja Ruoŧa našunála unnitloguin. Doarjja addo logi dokumentára oanehisfilmmaide.

Visot filmmaid vuosttasčájáhus lea Almedalenis 2020 ja maŋŋil dan čájehuvvojit biográfain ja dáhpáhusain Folkets Bio bakte, UR TV:s ja skuvllain ja institušuvnnain čakčat 2020.

Gii sáhttá ohcat?

Doarjaga sáhttá ruoŧa buvttadeaddji ohcat ja das galgá unnimus okta ohcci joavkkus (buvttadeaddji/bagadalli/čálli/govvejeaddji/čuohppi) dahkan unnimus ovtta bures čađahuvvon ja dáiddalaš miellagiddevaš oanehisfilmma dahje eará dáiddasuorggis sullasaš buktaga.

Ruoŧa buvttadeaddjin oaivvilduvvo olmmoš gii, dalle go ohcan juolluduvvo, lea bistevaččat orrume Ruoŧas dahje juridihkalaš olmmoš dahje olgoriikka fitnodaga filiála mii, dalle go ohcan juolluduvvo, lea registrerejuvvon gelbbolaš eiseválddis Ruoŧas.

Masa sáhttá ohcat

Doarjaga sáhttá ohcat buvttadit oanehis dokumentárafilmma dahje hybridafilmma (seaguhusfilmma) mii lea eanemus 4,30 minuhta ja man sisdoallu lea soames našunála unnitlogugielain suoma, jiddisch, sámi, romani dahje meänkieli. Prošeavttas galgá maid leahkit filmmalaš geahččanguovlu mii lea ovddemuš oaivvilduvvon ulbmiljovkui nuorat/nuorra rávesolbmot (15-25 jagi).

Filbmainstituhtta ii atte doarjaga filmmaide mat buvttaduvvojit oassin ovtta oahpahusas.

Doarjjasupmi ja ruhtadeapmi

Oktiibuot lea ovtta filmma doarjjasupmi 150 000 SEK. Juohke filbma oažžu 130 000 SEK buvttadandoarjjan Filbmainstituhtas ja 20 000 UR:s mii lea čájehanvuoigatvuohta.

Lasi ruhtadeapmi dohkkehuvvo nu guhká go dat ii váikkut eavttuide dahkat válmmas filmma maŋemus miessemánu 15 b. 2020.

Makkár eavttuid ferte deavdit

Jus áigo ohcat doarjaga de ferte prošeavtta hámuhit prošeaktačilgehusas mas leat dás vuollelis namuhuvvon dieđut.

Filmmaid ferte sáddet maŋemus miessemánu 15 b. 2020.

Go doarjja máksojuvvo de gáibiduvvo ahte vuostáiváldis lea iežas fitnodat dahje eará fitnodatmálle.

Geahča maiddái dábálaš eavttuid.

Ohcamušat mat eai deavdde eavttuid eai meannuduvvo.

Goas ja got ohcá

Maŋemus ohcanáigi lea golggotmánu 28 b. 2019.

Diehtu makkár logi prošeavtta leat válljejuvvon dieđihuvvo maŋemus juovlamánu 9 b. 2019.

Ohcama dagat min skovis webbas (geahča dás vuollelis). Don sáddet buvttadandoarjjaohcamuša dokumentárafilbmaráđđeaddái Klara Grunning:i. Deavdde ruossaruvtto “Glöd” (2. lávki ohcamušas).

Ohcamušas leat guokte oasi: Webbaohcamušskovvi PDF hámis ja oktiibiddjon PDF áššebábir ja sisdoallu galgá leat dát oasit:

  1. Prošeaktačilgehus mas lea synopsis (čilgehus sisdoalus), bagadallanjurdda, filbmajoavku ja áigelinjá – eanemus 2 A4 siiddu.
  2. Govvareferánsa (moodboard dahje sullasaš), 1 siidu (ii leat geatnegahtton)
  3. Liŋka ealligova filbmejuvvon ávdnasii
  4. Bagadalli & buvttadeaddji biografiija/CV
  5. Bušeahtta
  6. Ruhtadanplána

Fuomáš! Čuoggát 1-6 eai oaččo leat eanet go vihtta A4-siiddu oktiibuot.

PDF áššebábir ohcanskoviin gásttašuvvo Projektnamn-Ansökan-GLÖD (Prošeaktanamma-Ohcan-HILLA). PDF áššebábir eará dieđuiguin gásttašuvvo Projektnamn-Bilagor-GLÖD (Prošeaktanamma-Mildosat-HILLA).
Ohcan dáin guvttiin PDF:in sáddejuvvo e-reivviin čujuhussii prodstodansokan@filminstitutet.se. Čále sisdoalulinjái “Glöd” (“Hilla”) ja prošeavtta nama. Ealligovaid sáddet liŋkka bakte. Mii eat váldde vuoste zip-filaid We transfer, Dropbox dahje sullasaččaid bakte.

Fuomáš! Visot materiála maid sáddet Filbmainstituhttii šaddá almmolažžan ja daid sáhttá gáibidit geahččat. Filbmainstituhtta lea geatnegahtton, jus soamis gáibida, addit visot almmolaš áššebáhpiriid mat eai leat suddjejuvvon.

Liŋkka ohcamii, geahča dás vuollelis.

Got ohcan árvvoštallo?

Doarjjajuohkima oktavuođas dát árvvoštallo:

  • filmma originalitehta
  • čehppodat čađahit
  • man dehálaš filbma lea ruoŧŧelaš gehččiide
  • makkár bagadallan/čálus/buvttadan joavku lea
  • eavttut čađahit
  • got dat hástala filmma ja muitalanmálle sierranas geahčadanbáikkiin

Ráđđehusa ulbmil našunála filbmapolitihkas galgá filmmain leahkit dásseárvu ja máŋggabealatvuohta. Máŋggabealatvuođain oaivvilduvvo ahte visot doarjagat oktiibuot galget mannat muitalusaide main lea máŋggabealat geahččanguovlu ja ovdanbuktin ja máŋggalágán jiena, sihke ovda- ja duogábeale kámera. Doarjagat juhkkojit 50/50 sohkabeliid gaskkas dan áigodagas. Doarjjavuosteváldi mii ii dovdát sohkabeali, ii leat mielde dien meroštallanvuođus.

Got mearrádus dahkko?

Válljenjoavkkus leat Ruoŧa Filbmainstituhta dokumentárafilbmaráđđeaddi Klara Grunning ja Malin Nygren, našunála unnitloguid prošeaktajođiheaddji. Dasa lassin lea ráđđádallan refereansajoavkkuin man lahtuin lea gullevašvuohta sierranas našunála unnilogu kultuvrrain/joavkkuin.

Mearrádus sáddehuvvo ohccái maŋŋil meannudeami, maŋemus juovlamánu 13 b. 2019.

Got doarjja mákso?

Filbmainstituhtta buvttadandoarjja 130 000 SEK mákso go rekvisišuvdna (gáibádus) boahtá ja osiid mielde:

  • 85 proseantta go mearrádus dahkko
  • 15 proseantta go loahppačilgejupmi lea dohkkehuvvon, ja duođaštusat ja sihkarvuođamateriála 

Loahppa 20 000 SEK máksá UR go sierra soahpamuš lea čállon singuin.



 

 

 

 

Boel Jonsson

Administratör Kortfilm, Dokumentärfilm

Tel: 08-665 11 55

boel.jonsson@filminstitutet.se

Jenny Örnborn

Produktionscontroller Dokumentärfilm

Tel: 08-665 11 27

jenny.ornborn@filminstitutet.se

Skriv ut